لا تقم بتسمية أولادك بهذه الاسماء في المانيا خوفا على سلامتهم !!!

هاي الاسماء انتبهوا بحياتكن لا تسموها لولادكن بالمانيا:

1. شادي. لانو الالمان رح يعملو مسخرة بالصف ويصيرو ينادوه شادي.. Schade بالالماني معناها يا خسارة… يعني حيطلع ابنك خسران بالحياة وبالاخرة.

2. زين لانو حيصيرو ينادو رفقاتو بالصف .. يا عشرة يا عشرة.. zehn بالالماني معناه عشرة…

3. عمر.. حيصيرو ينادو oma oma..يعني يا ستي الختيارة…

4. زعبي وصبري وصبحي .. هدول ما حنقدر نشرحن لانو شرحن بس للي فوق ال ١٨…

5. كوثر.. الالمان بيلفظوها كفتة. حيصيرو ينادوها يا كفتة يا كفتة.

6. حورية . الالمان بيلفظوها hure ومعناها مو منيح…

7. غرام.. الالمان بلفظوها جرام.. وحيصيرو يتمسخرو عليها ويقلولها غرام وكيلو غرام ..

8. شام.. وشام معناها بالالماني العار scham… حرام تخلق البنت ويصيرو ينادوها يا عار …

9. فاروق… فاروق بالالماني يعني مجنون .. verrückt حيفكرو بلحارة مجنون ويقعدو يركضو وراه…فبلاه احسلك..

10. ايه… بلالماني بيض .. eier بيلفظوها ايا.. فبلاها احسن ما يصيرو ينادوها يا بيض يا بيض. وتطلع زنخة..

11. اوس .. معناها لبرة.. حرام يضل فايت طالع الولد من الصف كل ما يسمع اسمو aus ..

12. مجد…معناه بالالماني خدامة magd.. حرام بكرا بستعبدو بالصف